5 நிமிடத்தில் அசத்தலான வெங்காய சட்னி ரெடி...
Dyazo 6 Angles Adjustable Aluminum Ergonomic Foldable Portable Tabletop Laptop/Desktop Riser Stand Holder Compatible for MacBook, HP, Dell, Lenovo & All Other Notebook (Silver)
காலையில் தோசை, இட்லிக்கு தொட்டுக்க என்ன செய்வதென்று யோசிப்பதே பெரிய வேலையாக இருக்கும். இங்கே, வெறும் 5 நிமிடங்களில் அரைக்க கூடிய சட்னி கொடுக்கப்பட்டுள்ளது. நேரடியாக மிக்ஸர் ஜாரில் அரைத்து தாளித்தால் போதும். சுவையான வெங்காய சட்னி தயார்.
தேவையான பொருட்கள்
வெங்காயம் – 1
காய்ந்த மிளகாய் – 8
புளி – சிறு நெல்லிக்காய் அளவு
வெல்லம் – பெரிய நெல்லிக்காய் அளவு
தேங்காய் – ¼ கப்
உப்பு – சுவைக்கேற்ப
தாளிக்க
தேங்காய் எண்ணெய் – 1 டேபிள் ஸ்பூன்
கடுகு – 1 டீஸ்பூன்
உளுத்தம் பருப்பு – ½ டீஸ்பூன்
கறிவேப்பிலை – சிறிதளவு
காய்ந்த மிளகாய் – 1 (விதை நீக்கியது)
செய்முறை
*ஒரு மிக்ஸர் ஜாரில் தேவையான பொருட்கள் அனைத்தையும் சேர்த்து சிறிது நீர் விட்டு அரைத்துக் கொள்ளவும்.
*அரைத்த சட்னியை ஒரு கிண்ணத்தில் மாற்றிக் கொள்ளவும்.
*ஒரு வாணலியை அடுப்பில் வைத்து, தேங்காய் எண்ணெய் ஊற்றி, தாளிக்க தேவையான பொருட்களை சேர்த்து தாளித்து சட்னி மீது கொட்டி, பரிமாறலாம்.
*இந்த சட்னியை தேங்காய் சட்னியுடன் சேர்த்து சாப்பிட்டால் இட்லி, தோசை எத்தனை வேண்டுமானாலும் உள்ளே இறங்கும். இந்த சட்னியை செய்து பார்த்துவிட்டு தங்களது கருத்துகளை பகிர்ந்துகொள்ளுங்கள்.
