வீட்டில் இருந்தபடியே முகத்தில் இருக்கும் தேவையற்ற முடிகளை சுலபமாக அகற்றிடலாம்...

எலுமிச்சை மற்றும் தேன்

• இரண்டு டீஸ்பூன் சர்க்கரை மற்றும் எலுமிச்சை சாறு மற்றும் ஒரு டீஸ்பூன் தேன் ஆகியவற்றை ஒன்றாக சேர்த்து நன்கு கலந்து கொள்ளவும்.
• இப்போது அந்த கலவையை சுமார் மூன்று நிமிடங்களுக்கு அடுப்பில் மிதமான தீயில் வைத்து சூடாக்கவும்.
• பின்னர் இந்த கலவையை நீர்த்துப்போகச் செய்ய சிறிது தண்ணீர் சேர்க்கவும். அந்த கலவை நன்கு பேஸ்ட் பதத்திற்கு வந்த பிறகு நன்கு ஆற வைக்கவும்.
• இப்போது, முகத்தில் முடி அதிகம் உள்ள பகுதிகளில் சோள மாவை எடுத்து தடவவும். அதன் பிறகு, முடி வளர்ந்திருக்கும் திசையில் தயாரித்து வைத்துள்ள பேஸ்ட்டை பரவலாக தடவி விடவும்.
• இப்போது ஒரு வாக்ஸிங் துணி அல்லது காட்டன் துணியைப் பயன்படுத்தி முடியை அகற்றவும்.
• முடி வளர்ந்திருக்கும் திசைக்கு எதிர்திசையில் துணியை இழுக்க வேண்டும். இவ்வாறு செய்தால் பார்லர் சென்று வாக்ஸிங் செய்தது போன்ற பலன் கிடைக்கும்.

சர்க்கரை மற்றும் எலுமிச்சை சாறு

• முதலில், இரண்டு டீஸ்பூன் சர்க்கரை மற்றும் எலுமிச்சை சாறுடன் 8-9 டீஸ்பூன் தண்ணீர் ஊற்றி நன்கு கலந்து கொள்ளவும்.
• பின்னர் இந்த கலவையில் கொதிக்க தொடங்கும் வரை அடுப்பில் வைத்து சூடாக்கவும்.
• அதன் பிறகு, அதை நன்கு ஆற வைத்து ஒரு ஸ்பேட்டூலா அல்லது ஸ்பூன் உதவியுடன் முடி அதிகம் இருக்கும் பகுதிகளில் தடவி சுமார் 20-25 நிமிடங்கள் உலர விடவும்.
• அது நன்கு உலர்ந்ததும் குளிர்ந்த நீரில் வட்ட வடிவில் தேய்த்து நன்கு கழுவவும்.
• இவ்வாறு தேய்க்கும் போது முடி அகன்று முகம் பளிச்சென்று மாறிவிடும்.