ஆன்மீக பயணத்தில் நடிகர் அஜித் குமார்...

இமயமலை பகுதிகளில் சுற்றுப்பயணம் மேற்கொண்டிருக்கும் நடிகர் அஜித், தற்போது கேதார்நாத் மற்றும் பத்ரிநாத் கோயில்களுக்கு சென்று சுவாமி தரிசனம் செய்துள்ளார். மோட்டார் பைக்கில் நண்பர்களுடன் பயணம் மேற்கொண்டுள்ள அஜித், ஆன்மீக பயணமாக இவ்விரண்டு கோயில்களுக்கும் சென்று வழிபட்ட புகைப்படங்கள் சமூக வலைத்தளங்களில் வைரலாகி வருகிறது. இப்போது கேதார்நாத் மற்றும் பத்ரிநாத் கோயில்கள் பற்றி சற்று விரிவாக தெரிந்து கொள்வோம்…

கேதார்நாத் கோயில்

கேதார்நாத் கோயில் இந்தியாவின் 12 ஜோதிர்லிங்க சிவத்தலங்க தலங்களில் ஒன்றாகும். இது உத்தராகாண்ட் மாநிலத்தில் உள்ள, ருத்ரபிரயாக் மாவட்டம் கேதார்நாத்தில் மந்தாகினி ஆற்றங்கரைக்கு அருகில் உள்ள கார்வால் சிவாலிக் மலைத் தொடரில் அமைந்துள்ளது. இங்கு நிலவும் கடுமையான வானிலை காரணமாக இந்த கோயில் ஏப்ரல் மாதம் முதல் தீபாவளி வரை மட்டுமே திறந்திருக்கும்.

இக்கோயிலை நேரடியாக சாலை வழியாக அணுக முடியாது. கௌரிகுண்ட் என்னுமிடத்திலிருந்து 14 கி.மீ. தொலைவு மலை ஏறியே மட்டுமே இக்கோயிலுக்கு செல்ல முடியும். வடக்கு இமயமலைத் தொடரில் அமைந்துள்ள நான்கு சிவன் கோயில்களில் இதுவும் ஒன்றாகும்.

பத்ரிநாத் கோயில்

பத்ரிநாத் கோயில் இந்தியாவின் உத்தராகண்ட் மாநிலத்தில், சமோலி மாவட்டதில் உள்ள மலை வாழிடமான பத்ரிநாத்தில் உள்ள ஒரு கோவில். இது பத்ரிநாராயணன் கோவில் என்றும் அறியப்படுகிறது. இக்கோயில் அலக்நந்தா ஆற்றங்கரையில் அமைந்துள்ளது. இது ஒரு திருமால் கோவில். இந்தியாவில் உள்ள முக்கியமான இந்துக்கோவில்களுள் இதுவும் ஒன்று. வைணவர்களால் போற்றப்படும் 108 திவ்வியதேசங்களுள் ஒன்றாகும். இமயமலையின் மிதமிஞ்சிய குளிரின் காரணமாக இது ஆண்டிற்கு ஆறு மாதங்கள் மட்டுமே திறக்கப்பட்டிருக்கும்.